19 настай оюутан хүүг 26 удаа хутгалж амь насыг нь хөнөөсөн хэргийн шүүх хурал өнгөрөгч 7-аар сарын 28-ны өдөр Баянгол, Хан-Уул, Сонгинохайрхан дүүргийн эрүүгийн хэргийн анхан шатны шүүхэд болж, сэжигтэн Б-г шүүхээс гэм буруугүйд тооцож цагаатгах шийдвэр гаргасан билээ. Үүнээс үүдэн хохирогчийн ээж Т.Дамдинсүрэн шүүх хурлын шийдвэрийг хүлээн зөвшөөрөхгүй байгаагаа илэрхийлж ярилцлага өгч байсан. Харин энэхүү шүүх хурлын талаар прокурорын байгууллагаас мэдээлэл гаргаж хохирогчийн ээжийг давж заалдах шатны шүүхэд гомдол гаргах эрхтэй хэмээн мэдэгдлээ.
Уг мэдэгдэлд:
"Нийслэлийн Баянзүрх дүүрэгт оршин суух 30 настай Б-г /сэжигтэн/ өнгөрөгч 2015 оны 11-р сарын 28-ны өдөр Баянгол дүүргийн 6-р хороо бичил хорооллын орчим 19 настай П /талийгаач/ гэгч хутгалж, довтолсон тул Б-нь санаа сэтгэл нь хүчтэй цочрон давчидсан үедээ довтлогч П-г хутгалж амь насыг нь хохироосон хэрэгт Баянгол дүүргийн Цагдаагийн 1-ээр хэлтсээс эрүүгийн хэрэг үүсгэн шалгаж, хэргийг прокурорт шилжүүлсэн ба Баянгол дүүргийн прокурорын газраас Б-ийн үйлдэлд Эрүүгийн Хуулийн 93 дугаар зүйлийн 93.1 дэх хэсэгт зааснаар яллах дүгнэлт үйлдэж, энэ оны 6-р сарын 16-ны өдөр шүүхэд шилжүүлсэн. Улсын яллагчийн зүгээс Б-г сэтгэл санаа нь хүчтэй цочрон давчдах үедээ бусдын амийг хохироосон гэж үзэн ялласан ч Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхээс Эрүүгийн хуулийн ерөнхий ангийн 40-р зүйлд зааснаар "аргагүй хамгаалалт" хийсэн гэх үндэслэлээр хэргийг хэрэгсэхгүй болгож цагаатгажээ. Хэрэгт хавсаргасан материалаас үзэхэд хэрэг болсон өдөр талийгаач П, шүүгдэгч Б нар нь дэлгүүр дотор танилцаж улмаар талийгаач П-ийн ломбарданд тавьсан гар утсыг чөлөөлөх талаар ярилцаж тохиролцоод шүүгдэгч Б-нь өөрийн данснаас 2 сая төгрөг авч хамтдаа ломбард руу явжээ. Энэ үед талийгаач П-нь шүүгдэгч Б-ийн эзэмшлийн "Тоёото приус" маркын машины арын суудалд сууж явсан ба хэрэг гарсан газар болох Баянгол дүүргийн 6-р хороо бичил хорооллын орчим авто машины гражийн мухарт түр зогсоогоод"... дүү гэрээс ломбардны бичиг аваад гараад ирнэ" гэж хэлээд утсаар ярьж хүлээх зуураа шүүгдэгч Б-ийн араас цохиж, зүүн нүд тус газар нь хутгалж машины арын суудал руу оруулан, улмаар ноцолдож эхэлснээр шүүгдэгч Б олон газраа хутганы шарх авсан ба хариу үйлдэл хийж П-г олонтаа хутгалснаар амь насыг нь хохироожээ. Шүүх сэтгэц эмгэг судлалын шинжээч нар ч шүүгдэгч Б-г сэтгэл санаа нь хүчтэй цочрон давчидсан гэсэн дүгнэлт гаргаж, үүнийгээ шүүх хуралдааны явцад батлан мэдүүлсэн учир ийнхүү цагаатгасан" гэв.
Etoim.mn
-2.jfif)
иоир.jpg)
.jpg)
.jpg)
[202.21.120.158]
2016-08-05 13:16:41Deeremdeh gej bgaad aluulchihsan yum bndoo. Argagui hamgaalalt shuudee. Argagui hamgaalaltig hetruuleh gedeg zuil bhgui bolson shine huuliar
[203.91.115.45]
2016-08-05 13:08:57YU BALAIRAAD BGA YUMBE 1 HUTGALAAD ALSAN BOL UUR HEREG ......26 HUTGALSAN GJ BODOHLOOR SANAATAI GJ UZEHEES UUR ARGA BAIHGUI SHDEE