etoim.mn
photos/290932425_2078621165668431_6085781904735328293_nаахххххх.jpg

Нийслэл орчимд өчигдөр /2022.06.29/ орсон их хэмжээний дуу цахилгаантай аадар борооны үеэр ахуйн цахилгааны гүйдэлд цохиулж, гурван иргэн эрүүл мэндээрээ хохирсон байна.

Тодруулбал Сонгинохайрхан дүүргийн 10 дугаар хороо Зүүнбаян уулын ... тоотод аянга бууж гурван иргэн түлэгдсэн гэх мэдээллийн дагуу тус дүүргийн Онцгой байдлын хэлтсийн УСАХМ, ахмад С.Должинсүрэнгээр ахлуулсан албан хаагчид очиход гэрийн шалан дээгүүр гүйсэн цахилгааны утсанд масс үүсжээ.

Үүний улмаас 25 настай эрэгтэй, 44 настай эрэгтэй, 9 настай эрэгтэй нар тогонд цохиулж хөлийн хэсэг түлэгдсэн байна. Алба хаагчид түлэгдсэн иргэдийг нийслэлийн Яаралтай түргэн тусламжийн-103-т хүлээлгэн өгч, хорооны Засаг даргад ил гарсан цахилгааны утсыг далдалж, аюулгүй орчин бүрдүүлэх үүрэг чиглэл өгчээ.

Тус иргэд ахуйн цахилгааны монтажийг газар дээр ил байршуулсан нь орчны хөрсний чийглэгээс хамаарч цахилгаан гүйдэлд цохиулахад хүрсэн байна гэсэн урьдчилсан дүгнэлт гарсан байна.

зураг

Иймд иргэдэд:

  • Цахилгаан монтажаа мэргэжлийн байгууллага, алба хаагчаар хийлгэх,

  • Цахилгааны утсыг газар доогуур татаж байршуулахгүй байх, хамгаалалт хийх,

  • Цахилгааны гэмтэлтэй утас ашиглахгүй байх,

  • Цахилгааны хэт ачаалал үүсгэхгүй байх,

  • Дуу аянга цахилгаантай их хэмжээний усархаг бороотой үед цахилгаан хэрэгслүүдийг салгах, ашиглахгүй байх зэргийг онцгойлон анхаарууллаа.

Эх сурвалж: Нийслэлийн Онцгой Байдлын Газар 

Таалагдахгүй байна

0
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх