etoim.mn
photos/f79dfe2d99be4353de8c4e23df47db6a_x3.jpg

Урд хөршийн нийслэл Бээжин хотод коронавирусний тархалт нэмэгдсэн, мөн Шанхайд хорио цээрийн дэглэм үргэлжилж байгаагаас шалтгаалан 5 дугаар сарын эхээр болдог баяр амралтын өдрүүдэд аялагч жуулчдын хөл хөдөлгөөн нэлээд татруу байхаар байна.

Тодруулбал, 5 дугаар сарын баяр амралтын өдрүүд эхэлж байгаатай холбогдуулан Бээжин хотын эрх баригчдын зүгээс иргэдийг онц шаардлагагүй бол гадуур гарахгүй, бөөгнөрөл үүсгэхгүй, олноор цуглаж хоол унданд орохгүй байхыг анхааруулжээ. Мөн зугаа цэнгэлийн төвүүд, кинотеатр үзвэрийн газрууд, мөн хэсэг бүлгээр аялах зугаалах үйл ажиллагааг энэ амралтын өдрүүдэд бүрэн болон хэсэгчлэн зогсоосон байна.

Түүнээс гадна Бээжин хотод сургуулиудыг тодорхойгүй хугацаагаар хааж, нийслэлийн бүх 21 сая оршин суугчдыг энэ долоо хоногт багтаан гурван шатны цахим шинжилгээнд хамрагдахыг эрх баригчдаас үүрэг болгоод байна.  Ляонин муж дахь Даньдун-Фусинь хурдны авто замд нийлж буй автомашины урсгал өдөрт 900 мянгад хүрэх төлөвтэй байгааг орон нутгийн телевизээр мэдээлжээ.

Шэньян хот руу орж байгаа бүх тээврийн хэрэгсэлд зорчигчдоос коронавирусний шинжилгээ авч, бусад баримт бичгийн шалгалт явагдаж байна. Мөн энэ баяр амралтын өдрүүдэд Чэндүгийн дорнын төмөр замын вокзалаар өдөрт 160 мянгаад зорчигч дамжин өнгөрөх төлөв ажиглагдаж байгаа аж.

Гэхдээ энэ жил зорчигчдын урсгал өнгөрсөн жилийнхтэй харьцуулахад багассан гэж орон нутгийн хэвлэлүүд мэдээллээ.

Сүүлийн 24 цагийн байдлаар, Хятад улсын хэмжээнд коронавирусний 1410 батлагдсан тохиолдол бүртгэгдсэн бол, 9000 гаруй шинж тэмдэггүй тохиолдол ихэвчлэн Шанхай хотод илэрсэн мэдээтэй байна.

Таалагдахгүй байна

0
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх