Шуурхай мэдээ New

etoim.mn
photos/Монгол улсын төрийн албаны зөвлөл.jpg

Төрийн албан хаагчийн хөдөлмөрлөх эрхийн гомдлын харьяаллыг тодорхой болгож, хүний эрхийн зөрчилтэй холбоотой мэдээллийн сан бүрдүүлэх, хөдөлмөрийн харилцаан дахь дарамт, хүчирхийлэл, албадлагын асуудлыг онцгойлон авч үзэх, төрийн албаны ерөнхий болон тусгай шалгалтын агуулгад хүний эрхийн агуулгыг илүү нарийвчлан тусгаж, Эрүүгийн хуульд заасан гэмт хэрэг үйлдэж шүүхээр ял шийтгүүлсэн этгээдийг төрийн албан ажиллуулж байгаа эсэхэд тавьж буй хяналтын тогтолцоог боловсронгуй болгох чиглэлээр Төрийн албаны зөвлөл, Хүний эрхийн Үндэсний комисс хамтран ажиллахаар боллоо.

Хүний эрхийн мэдрэмжтэй төрийн албыг төлөвшүүлэх өргөн хүрээний асуудлыг Төрийн албаны зөвлөлийн дарга Б.Баатарзориг Хүний эрхийн Үндэсний комиссын даргын үүргийг түр орлон гүйцэтгэгч Ж.Хунан, Хүний эрхийн Үндэсний комиссын гишүүн Д.Сүнжид нарыг хүлээн авч уулзахдаа ярилцсан байна.

Цар тахлын нөхцөл байдалтай холбоотойгоор төрийн албан хаагчдыг вакцинд албадан хамруулж байгаа болон хүнд нөхцөлд ажиллаж буй төрийн албан хаагчдын ахуй хангамж, орчин нөхцөлийн ялгамжтай байдлын талаар Хүний эрхийн Үндэсний комисс байр сууриа илэрхийлж Төрийн албаны зөвлөлтэй холбогдох чиглэлээр хамтран ажиллах санал дэвшүүлэв.

Хүний эрхийн Үндэсний комиссоос Төрийн албаны зөвлөлийн 2021 оны 411 дүгээр тогтоолын хэрэгжилтийг эрчимжүүлэн хамтран ажиллахаа илэрхийлэв гэж Монгол Улсын Төрийн албаны зөвлөлөөс мэдээллээ.

Таалагдахгүй байна

0
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх