etoim.mn
photos/240776378_4912072178820123_4567671944609016754_nмхег9,2.jpg

Нийслэлийн есөн дүүрэгт төмс, хүнсний ногооны үзэсгэлэн худалдаа зохиогдож байна. Үзэсгэлэнд оролцогч иргэд, хоршоо, аж ахуйн нэгжүүдэд МХЕГ-ын дэд даргын баталсан “Ургамал, ургамлын гаралтай түүхий эд, бүтээгдэхүүнд ургамлын хөнөөлт организм, нитрат, пестицидийн үлдэгдэл тодорхойлох хяналт шинжилгээ хийх тухай” удирдамжийн дагуу хяналт шалгалтыг хийжээ.

Мөн Улаанбаатар хотын ерөнхий менежер бөгөөд захирагчийн ажлын албаны даргын баталсан “Түр заавар”-ыг оролцогч иргэд, аж ахуйн нэгжүүдэд хүргүүлж, мөрдүүлж, биелэлтэд нь хяналт тавьж ажиллаж байна.

Нийслэлийн мэргэжлийн хяналтын газраас 2021.09.01-ны өдрийн байдлаар 20 гаруй нэр төрлийн төмс, хүнсний ногоо, жимс жимсгэнээс 108 дээж авч МХЕГ-ын ХАБҮЛЛ-д ургамлын өвчин хортон, пестицид, нитрат, хүнд металлын үлдэгдэл тодорхойлох шинжилгээнд хамруулжээ. Шинжилгээний дүнгээр 55 дээж стандарт шаардлага хангасан үзүүлэлттэй, 53 дээжийн хариу гараагүй хүлээгдэж байна.

Мөн СБД-ийн Саруул маркетад худалдаалж буй тарвасаас 10 дээж авч МХЕГ-ын ХАБҮЛЛ-д хамруулсан, шинжилгээний дүн гараагүй байна гэж Нийслэлийн мэргэжлийн хяналтын газраас мэдээллээ.

Эх сурвалж: Нийслэлийн Мэргэжлийн хяналтын газар

Таалагдахгүй байна

0
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх