etoim.mn
photos/83174771_112032407024608_9207800130411954176_o.jpg

Хууль бусаар мод бэлтгэх гэмт хэрэг үйлдэж байгаль экологид 300 орчим сая төгрөгний хохирол учруулсан этгээдүүдийг шалгаж байна.

Тодруулбал: Төв аймгийн Эрдэнэ сум Асралт гэх газар "Ebee" ХХК нь зохих зөвшөөрөлгүй мод бэлтгэл хийсэн хэргийг илрүүлжээ. ЭЦА-ны алба хаагч нар ажиллан 4 отогийн нийт 42 иргэнээс мэдүүлэг авч мод бэлтгэлийн талбай, цагаалганы хэсэгт бэлтгэсэн 120 орчим куб метр мод байсанд үзлэг хийн мод ачсан байсан 2 зил 131 машиныг саатуулсан байна. 

Хууль бусаар мод бэлтгэж байсан этгээдүүд Төв аймгийн Батсүмбэр, Сэлэнгэ аймгийн Мандал сумын харъяат иргэд бөгөөд нийт 1000 орчим куб метр мод бэлтгэж байгаль экологид 300 сая орчим төгрөгний хохирол учруулсан гэмт хэрэг үйлджээ.

Зөвшөөрөлгүйгээр ойгоос мод бэлтгэх, гарал үүслийн гэрчилгээгүйгээр мод, модон материал бэлтгэсэн, тээвэрлэсэн, худалдсан худалдан авсан тохиолдолд гэмт хэрэг үйлдэхэд ашигласан багаж, тээврийн хэрэгсэл, хөрөнгө, орлогыг хураан авахаас гадна байгаль экологид учирсан шууд хохирлыг Байгаль орчныг хамгаалах тухай хуульд зааснаар учирсан хохирлыг ойн экологи – эдийн засгийн үнэлгээг гурав дахин нэмэгдүүлсэнтэй тэнцэх хэмжээгээр тооцож төлүүлдэг хуулийн заалттай ажээ.

Бэлтгэсэн: Ц.Эрдэнэтуяа

эх сурвалж: Экологийн цагдаагийн алба

Таалагдахгүй байна

1
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх