Шуурхай мэдээ New

etoim.mn
photos/a6924493-1eca-427c-b473-aff392de6161.jpg

2020 он айлчлан ирэхэд дөрөвхөн хоног үлдээд байна. Нийтээрээ шинэ жил тэмдэглээд тун чиг завгүй гүйлдэх хооронд улсын асуудал ард хоцорч байгааг улс төрчид нь хүртэл анзаарах сөхөөхгүй явна.

Тэд энэ тэндэхийн шинэ жилийн баярт уригдан очиж үг хэлэхээс эхлээд шагнал, урамшуулал гардуулж буй. Тэгвэл өчигдрийн чуулганаар хэлэлцэх асуудал орхигдов. Учир нь гишүүд чуулганы хуралдаа ирсэнгүй. Тэд хуралдаа ирсэн бол дараах асуудлуудыг хэлэлцэх байлаа.

  • Эрүүгийн хуульд нэмэлт, өөрчлөлт оруулах тухай, Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай, Зөрчил шалган шийдвэрлэх тухай хуульд нэмэлт, өөрчлөлт оруулах тухай, Зөрчлийн тухай хуульд нэмэлт, өөрчлөлт оруулах тухай, Шүүхийн шийдвэр гүйцэтгэх тухай хуульд нэмэлт, өөрчлөлт оруулах тухай, Шүүхийн тухай хуульд нэмэлт оруулах тухай хуулийн төслүүд болон хамт өргөн мэдүүлсэн бусад хуулийн төслүүд/Засгийн газар 2019.09.17-ны өдөр өргөн мэдүүлсэн, анхны хэлэлцүүлэг, үргэлжилнэ/;
  • Санхүүгийн зохицуулах хорооны орон тооны гишүүнийг томилох тухай асуудал;
  • Санхүүгийн хэрэглэгчийн эрхийг хамгаалах тухай хуулийн төсөл болон хамт өргөн мэдүүлсэн хуулийн төсөл /Улсын Их Хурлын гишүүн Д.Дамба-Очир 2019.12.02-ны өдөр өргөн мэдүүлсэн, хэлэлцэх эсэх/;
  • Орон сууцны тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд/Засгийн газар 2019.12.02-ны өдөр өргөн мэдүүлсэн, хэлэлцэх эсэх/;
  • “Татварын асуудлаар захиргааны туслалцаа харилцан үзүүлэх тухай конвенц”-ыг соёрхон батлах тухай хуулийн төсөл/Засгийн газар 2019.12.20-ны өдөр өргөн мэдүүлсэн, соёрхон батлах/;
  • Монгол Улсын Хүний эрхийн Үндэсний Коммиссын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд/Засгийн газар 2019.10.08-ны өдөр өргөн мэдүүлсэн, анхны хэлэлцүүлэг/;
  • Эрүүгийн хуульд өөрчлөлт оруулах тухай хуулийн төсөл болон хамт өргөн мэдүүлсэн Зөрчлийн тухай хуульд нэмэлт оруулах тухай хуулийн төсөл /Улсын Их Хурлын гишүүн Х.Болорчулуун нарын 24 гишүүнээс 2019.10.11-ний өдөр өргөн мэдүүлсэн, анхны хэлэлцүүлэг/;
  • “Прокурорын байгууллагын 90 жилийн ойн баярыг тэмдэглэх тухай” Улсын Их Хурлын тогтоолын төсөл;
  • Улсын Их Хурлын гишүүн Б.Баттөмөр, Н.Оюундарь нараас Монгол Улсын Ерөнхий сайдад хандан “Улаанбаатар-Дархан чиглэлийн авто зам барих төслийн явц, гүйцэтгэл, санхүүжилт, үр дүнгийн талаар” тавьсан асуулгын хариуг сонсох.

Гэтэл Сонгуулийн тухай хуулиа баталснаас хойш хуваарийн дагуу хуралдах, намын бүлэг, зөвлөл болон байнгын хороод нь хүртэл хурлаа хийхгүй байгаа нь харамсалтай. Цаг бол алт. Ард түмнээрээ ажлынхаа дүнг тавиулдаг нохойн дуу ойртож байхад ингэж чуулганы хуралдааныг цалгардуулах эрх тэдэнд бий юу?

Байнгын хороо нь хуралдаанаа хийгээгүй улмаас чуулгагны хуралдаан болохгүй байна. Эрх баригчид сонгуулийн хуульдаа 2020 оны нэгдүгээр сарын 1-нээс эхлэн бэлэг, элдэв зүйл тараах эрхгүй болсон. Иймээс оноос өмнө амжуулж "тойрогтоо хайр" зарлаж яваа сурагтай. Тухайлбал, УИХ-ын гишүүн С.Эрдэнэ гурил, будаагаар шинэ жилийн бэлгээ зэхэн тараасан. Мөн УИХ-ын гишүүн Ж.Ганбаатар тойргийнхоо цэцэрлэгийн багачуудад өвлийн өвөөгөөр бэлэг тараалгаж яваа сурагтай. 

Эх сурвалж. Доргио.мн

Таалагдахгүй байна

0
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх