etoim.mn
photos/5ddf3d3127728.jpeg

Америкийн худалдааны гол индексүүд лхагва гарагийн арилжаа дуусах мөчид дээд үзүүлэлтүүдээ шинэчиллээ. Хөрөнгө оруулагчид АНУ, БНХАУ-ын худалдааны хэлэлцээг өөдрөгөөр харж байгааг арилжааны мэдээлэл харуулжээ.

"Dow Jones Industrial Average" /DJIA/ 0.15 хувиар өсөж, 28164.00 пункт, өндөр технологийн NASDAQ компанийн индекс 0.66 хувиар өсөж, 8705.18 пункт, "S&P 500" индекс 0.42 хувиар өсөж, 3153.63 пункт болсон байна. Хөрөнгө оруулагчдад мөн АНУ, БНХАУ-ын хэлэлцээтэй холбоотой найдвар төрүүлсэн мэдэгдэл нөлөөлжээ. Бээжин, Вашингтон худалдааны гэрээний эхний хэсгийг батлахад тун ойртлоо гэж АНУ-ын Ерөнхийлөгч Дональд Трамп мягмар гарагт мэдэгдсэн байна.

Зах зээлд итгэх итгэлтэй байдалд мөн АНУ-ын эдийн засгийн статистик мэдээлэл нөлөөлсөн байна. Тус улсын ДНБ гуравдугаар улиралд хоёрдугаар дүгнэлтээр 2.1 хувиар өссөн байна. Ажиглагчид эхний дүгнэлтээр ДНБ 1.9 хувийн түвшинд хэвээр хадгалагдана гэж таамаглаж байжээ.

Таалагдахгүй байна

0
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх