etoim.mn
photos/5d527659c903a.jpeg

Хар тугалгын түвшин нэмэгдэж байгаатай холбоотойгоор Францын нийслэл Парис хотын Эх дагинын сүмийг сэргээн засварлах ажлыг зогсоосон байна. Зарим мэдээллээр, хар тугалгын хэмжээ аюултай түвшнээс 700 дахин илүү байгаа аж.

Нотр Дам сүмийг сэргээн засварлах ажлыг долоо хоногоор хойшлуулжээ. Сүмийн ойр орчимд хар тугалгын түвшин нэмэгдэж байгаатай холбоотойгоор сэргээн засварлах ажилд оролцож байгаа ажилчид төдийгүй ойролцоох хорооллын оршин суугчдыг яаралтай нүүлгэн шилжүүлсэн байна. Цагдаа нар уг сүм оршдог дүүргийг бүслэн хаасан бөгөөд парисчууд болон жуулчдыг аюултай бүсээс гарахыг хүсжээ.

Францын нийслэл Парис хотын Нотр Дам сүмд өнгөрсөн дөрөвдүгээр сард гал гарсны дараа хар тугалгын бохирдол үүсжээ. Тухайн үед сүмийн орой хэсэг тэр чигтээ шатаж, орчин тойронд хэдэн тонн хайлсан тугалга унасан байна.

Парис мужийн захиргаа Эх дагинын сүмийн ойролцоох хорооллуудыг хар тугалгын бохирдлоос цэвэрлэх хоёр дахь томоохон ажиллагааг мягмар гарагт эхлүүлсэн тухай “France Info” радиостанц мэдээлжээ.

Таалагдахгүй байна

0
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх