Шуурхай мэдээ New

etoim.mn
photos/56468328_983768538494665_1419438720838270976_n-696x464.jpg

НИТХ дахь АН-ын бүлэг Монгол Улсын Ерөнхий сайд У.Хүрэлсүхэд шаардлага хүргүүлсэн байна.

Тодруулбал, Нийслэлийн Засаг дарга С.Амарсайханы төрсөн ах С.Уламбаярын эзэмшлийн “Зүүнбаян Рэфайнери” компани Туул голын бургасыг хядан барилга барьж, БОАЖ-ын сайд Н.Цэрэнбатын хэлснээр 13 тэрбум төгрөгийн хохирол учруулсан байна. Харин ч бүр хууль бус үйл ажиллагаа явуулахыг нь эрх мэдлийн хүчээр хамгаалж, өөгшүүлж байсан байж болзошгүй хэмээн үзэж буй аж.

Түүнчлэн “Зүүнбаян рэфайнери” компанийн газрын хугацаа 2013 оны найман сард дууссан боловч 2014 оны дөрөвдүгээр сараас газрын эзэмших эрхийг сунгаж, үе шаттай хууль бус ажиллагаа явуулж ирсэн байна.

Иймд Нийслэлийн удирдах дээд байгууллагад ажиллаж байхдаа ахынхаа компанийн хууль бус үйл ажиллагааг нууж, нийслэлийнхний төдийгүй Туул голоос ундаалдаг Монгол Улсын иргэдийн нийтлэг эрх ашгийг зөрчсөн С.Амарсайханыг хотын даргаар ажиллах ёс зүйгүй гэж НИТХ дахь Ардчилсан намын бүлэг үзжээ.

НИТХ дахь Ардчилсан намын бүлгийн шаардлагад хууль бус үйл ажиллагаа явуулж ирсэн хамаарал бүхий этгээдээ хамгаалж, нуун дарагдуулсан С.Амарсайханд хариуцлага тооцох, компанийн учруулсан 13 тэрбум төгрөгийн хохирлыг барагдуулах, Туул голын хойд болон урд эргийн дагуух төлөвлөлтийг олон нийтэд ил тод зарлах зэргийг дурдсан байна.

image

 

Таалагдахгүй байна

0
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх

X

[66.181.161.4]

2019-04-11 16:14:01

Odooch naad kompani chini hulgaigaar ajlaadl bnshdee