etoim.mn
photos/14312f05-376c-4f86-899c-2244b1b26532.jpg

Монгол Улсын Их Хурлаас 2010 онд баталсан “Шинэ бүтээн байгуулалт” дунд хугацааны зорилтот хөтөлбөрийн хэрэгжилтийг бодитоор үнэлэх, цаашид юу хийвэл зохих талаар өнөөдөр /2019.03.28/ Төрийн ордонд болсон “Шинэ бүтээн байгуулалт дунд хугацааны хөтөлбөрийн үнэлгээ, цаашид авах арга хэмжээ” сэдэвт хэлэлцүүлгийн үеэр яригдлаа.

Улсын Их Хурлын гишүүд, Монголбанк, Засгийн газар, яам, агентлаг, аймаг, нийслэлийн удирдлага, олон улсын байгууллага, Мэргэжлийн холбоод, эрдэм шинжилгээ, судалгааны байгууллага, аж ахуйн нэгж, салбарын эрдэмтэн судлаачдын төлөөлөл оролцсон тус хэлэлцүүлгийг нээж УИХ-ын гишүүн, Ажлын хэсгийн ахлагч С.Бямбацогт үг хэлэв.

Тэрбээр хэлсэн үгэндээ “Одоогоос 10 жилийн өмнө 100,000 айлын орон сууц төсөл хэрэгжүүлнэ, бүх аймгийн төвийг хатуу хучилттай замаар холбоно гэхэд итгэх хүн цөөн байлаа. Тэгвэл өнгөрсөн хугацаанд "Шинэ бүтээн байгуулалт" хөтөлбөрт туссан Улаанбаатар хотыг аймгийн төвүүдтэй холбосон 5572 км авто зам барих, "100 мянган айлын орон сууц" төслийн хүрээнд Улаанбаатар хотын 35 байршилд 80 мянгаас доошгүй айлын орон сууцны цогцолбор хороолол, бүсийн тулгуур төв, аймгийн төвүүдэд 25 мянга хүртэлх айлын орон сууцны хороолол барих зорилт үндсэндээ бүрэн хэрэгжлээ…

 Хэдийгээр хөтөлбөрт туссан орон сууц, авто зам гээд том зорилтууд биелэгдсэн ч тэдгээртэй уялдаатай бусад зорилтууд хэрэгжилгүй орхигдсон. Тухайлбал агаар хөрсний бохирдлыг бууруулах хүрээнд хийгдэх ёстой байсан ногоон байгууламж, гэр хорооллын янданг бууруулах, утаа бууруулах асуудал орхигдлоо.  Эрчим хүчний 5 дахь эх үүсвэрийг барьж ашиглалтад оруулах зорилт цаасан дээр үлдсэн” хэмээн тэмдэглэв.

“Шинэ бүтээн байгуулалт” хөтөлбөрийг хэрэгжүүлэхэд ямар алдаа гарч байна вэ, яагаад бүрэн хэрэгжихгүй байна вэ гэдгийг судалж, хөтөлбөрийг бүхэлд нь үнэлэн, санал дүгнэлт гаргах, хэрэгжилтийг эрчимжүүлэх үүрэг бүхий ажлын хэсгийг УИХ-аас байгуулсан бөгөөд тус ажлын хэсэг хөтөлбөрийг бүхэлд нь үнэлж, санал дүгнэлт гарган, хэрэгжилтийг эрчимжүүлэх чиглэлээр ажиллаж байгаа юм. Ажлын хэсгийн ахлагчаар УИХ-ын гишүүн С.Бямбацогт ажиллаж байна.  

Хэлэлцүүлгийн нээлтэд хэлсэн үгэндээ мөн УИХ-ын гишүүн, Ажлын хэсгийн ахлагч С.Бямбацогт “Шинэ бүтээн байгуулалт” хөтөлбөрт үнэлгээ өгч, цаашид авах арга хэмжээг тодорхойлоход өнөөдрийн хэлэлцүүлэг чухал ач холбогдолтой”  хэмээн онцолсон.

Түүнчлэн, “Тогтвортой хөгжлийн үзэл баримтлал-2030”-д туссан зорилтыг бүрэн дүүрэн хэрэгжүүлэхийн тулд энэхүү хөтөлбөрийн хэрэгжилтийг хангах нь чухал болохыг мөн онцлон тэмдэглэсэн юм.

Хэлэлцүүлгийн нээлтэд Монгол Улсын сайд, Засгийн газрын хэрэг эрхлэх газрын дарга Л.Оюун-Эрдэнэ оролцож, үг хэлэв.

Дараа нь “Шинэ бүтээн байгуулалт хөтөлбөрт хийсэн үнэлгээний урьдчилсан дүгнэлт, цаашид анхаарах асуудал” сэдвээр Үндэсний хөгжлийн газрын дарга Б.Баярсайхан, “Шинэ бүтээн байгуулалт хөтөлбөрт дэвшүүлэх зарим санал” сэдвээр Барилга, хот байгуулалтын яамны Төрийн нарийн бичгийн дарга С.Магнайсүрэн, “Шинэ бүтээн байгуулалт хөтөлбөрт Улаанбаатар хотын хөгжлийг тусгах нь” сэдвээр Нийслэлийн Засаг даргын орлогч П.Баярхүү нар илтгэл тавилаа.

Мөн “Шинэ бүтээн байгуулалт” хөтөлбөрт салбарын асуудлыг хэрхэн тусган хэрэгжүүлж байгаа талаар  бүх яамдын төлөөлөл танилцуулга мэдээлэл хийсэн.  

Төгсгөлд нь хэлэлцүүлэгт оролцогчид хөтөлбөрийг хэрэгжүүлэхтэй холбогдуулан үг хэлж, санал гаргалаа.

Хөтөлбөрт тусгагдсан ч хэрэгжилт нь сул байгаа асуудлын талаар УИХ-ын гишүүн, Ажлын хэсгийн ахлагч С.Бямбацогт “Төвөөс алслагдсан, хөгжлөөр сул бүс нутаг, аймгуудын эдийн засаг, нийгмийг хөгжүүлэх төсөл боловсруулж, хөрөнгө оруулалтыг тэнд түлхүү хуваарилах, иргэдэд бүс нутгийн нэмэгдэл олгох, банк, санхүү, татвар, зээлийн бодлогоор дэмжих, шилжилт хөдөлгөөнийг сааруулахын тулд аймаг, бүсийн тулгуур төвд оюутны хотхон бий болгох, их, дээд сургуулиудыг хотхон болгон хөгжүүлэх нь нэн чухал байна” гээд эдгээр асуудлыг эргэн харж бүрэн хэрэгжүүлэх талаар ажиллахыг хэлэлцүүлэгт оролцсон холбогдох албаныханд үүрэг болгов гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв. 

Таалагдахгүй байна

0
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх

Tumen

[66.181.161.64]

2019-03-30 13:07:00

Odoo ingeed deed doodgui hodolgood hodoo oron nutag bolon alslagdsan nutguudaar sain haraarai amjilt

enhee

[202.72.247.30]

2019-03-29 15:30:58

odoo sumaa l sain hogjuuleh heregtei bn. tend gazar bn hun bn bolomj bugd bn sumdaa aimgaa hot shigee bolgochuul

Zochin

[202.72.247.30]

2019-03-29 15:17:56

Alslagdsan duurguudiig hugjuulj baij niisleliin nygtral bagasax uchraas ene hamgiin zov bodlogo shuu bugd nutag2 taa saihan amidrax xeregtei

Zochin

[202.72.247.30]

2019-03-29 15:09:27

Magadgui ingej nugt uzej baij l ur dund hureh bhdaa sain bna