etoim.mn
photos/20180609_p1ccievghae1c0l1n2pjne1bq63.jpg

Засгийн газрын мэдэлд байдаг сангуудын мөнгөний зарцуулалтад Сангийн яамнаас шалгалт оруулсан. Энэ дагуу Засгийн газрын 29 сан дээр авах арга хэмжээний саналаа Сангийн яам боловсруулаад Засгийн газарт оруулахаар бэлэн болсон байна. Өнөөдрийн Засгийн газрын хуралдаанаар уг саналаа танилцуулж хэлэлцэхээр төлөвлөж байсан ч салбарын сайд нь гадаадад томилолттой яваа учраас хойшлуулжээ. Нэлээд хэдэн санг татан буулгахаар төлөвлөж байгаа талаар Сангийн сайд Ч.Хүрэлбаатар өнөөдөр мэдэгдлээ.

Энэ талаар тэрээр хэлэхдээ “ЖДҮ-ийг хөгжүүлэх зорилгоор олгож байгаа зээлийн арга, систем нь буруу байна. Тэгж байж эдийн засгийн өсөлт, идэвхжилт бий болно. Татвар төлөгчдийн мөнгийн Сангийн яам болон Засгийн газар үр ашигтайгаар зарцуулах ёстой. Сангуудын үйл ажиллагааг ил тод болгох шаардлагатай. Сангууд дээр ЖДҮ-ийн хэлбэрээр олгох боломжтой маш их хэмжээний мөнгө бий. ЖДҮХС-гийн 340 тэрбум төгрөг байгаа, бусад эх үүсвэрийн 500 орчим тэрбум төгрөгийн эх үүсвэр бэлэн байгаа. Үүнийгээ зөв зарцуулах саналыг боловсруулаад, Засгийн газрын хуралдаанд удахгүй оруулахад бэлэн болчихоод байж байна.” гэлээ.

Мөн сэтгүүлчдийн асуултад хариулт өглөө.

- 29 санд нийт хичнээн төгрөг эргэлддэг вэ?

Зарим хүмүүс бүх санг хаах ёстой, зогсоох ёстой гэсэн байр суурийг илэрхийлж популист юм яриад байсан. Гэтэл үүнд чинь “Эрүүл мэндийн даатгалын сан”, “Тэтгэврийн даатгалын сан” гэх мэт чухал сангууд байгаа шүү дээ. Эдгээрийг зогсоох ямар ч боломжгүй. Тийм болохоор зарим сан явдгаараа явж, зогсоох боломжтойг нь судалж байна. Засгийн газрын хуралдаанаар оруулсныхаа дараа тодорхой мэдээлэл өгнө.

- ЖДҮХС-аас авсан зээлийн эзэд тодорхой болсон, бусад сангаас авсан мөнгөн дүнгийн буух эзэд бий юу?

Шалгалтын дүн гарсны дараа бид Засгийн газарт мэдээллэнэ. Мэдээллэснийхээ дараа бид олон нийтэд ил тод нээлттэй болгоно.

- Тэрхүү мөнгийг эргэж төвлөрүүлэх найдвар хэр байгаа вэ?

Авч л таарна.

Таалагдахгүй байна

1
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх