etoim.mn
photos/55.jpg

Монгол Улсад анх удаа зохион байгуулагдаж байгаа Азийн 20 хүртэлх насны АШТ-ий урьдчилсан шатны “А”, “В” хэсгийн тоглолтууд өнөөдөр  Буянт Ухаа Спортын ордонд эхэлнэ.  2019 онд Малайзад болох Азийн 20 хүртэлх насныхны футзалын АШТ-д оролцох эрхийн төлөө зүүн Азийн бүсээс Монгол, Япон, БНХАУ, Тайвань, Хонг Конг, Макао гэсэн зургаан баг хоёр хэсэгт хуваагдан өрсөлдөх юм байна.

С.Эрдэнэ-Очир дасгалжуулагчтай Монгол залуучуудын футзалын шигшээ баг эдгээр багуудаас хамгийн өндөр чансаатай нь төдийгүй Азийн чансааны 5-р байрт бичигддэг . Дэлгэрэнгүй танилцуулбал,  Монголын 20 насны шигшээ Азийн 5, Япон 6, Хонг Конг 12, БНХАУ 17, Тайвань 19-р байрт бичигддэг бол Макаогийн баг хараахан тивийнхээ чансаанд багтаж амжаагүй явна.

Монголын 9 насны шигшээ багаас Ази тивд хамгийн өндөр амжилт үзүүлж яваа 20 хүртэлх насны футзалын шигшээ баг 12-р сарын 01-нд 16:00 цагаас Тайвань, 12-р сарын 03-нд БНХАУ-ын багтай тус тус тоглоно. Харин 13:00 цагаас Макао болон Японы багийн тоглолтоор тэмцээн эхэлж байгаа юм. 

Гал гарсан ширүүхэн өрсөлдөөн, футзалын сонирхолтой тоглолтуудыг 12-р сарын 1-3 өдрүүдэд үзэх боломжтой.

Азийн 20 хүртэлх насныхны АШТ-ий урьдчилсан шатанд өрсөлдөж байгаа Монголын шигшээ багаа дэмжих хөгжөөн дэмжигчдийн автобус 15:00 цагаас УДЭТ-ийн дэргэдээс хөдлөх юм байна. Шигшээ багаа дэмжихийг хүссэн хөгжөөн дэмжигч энэхүү автобусаар үйлчлүүлж, Буянт-Ухаа Спортын ордонг зорих юм.

Таалагдахгүй байна

0
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх