etoim.mn
photos/3.jpg

“Victoria’s Secret”-ийн загварын шоунд оролцсон анхны ази загвар өмсөгч, “Forbes”  сэтгүүлийн хамгийн өндөр орлоготой загвар өмсөгч жагсаалтанд бичигдсэн анхны ази модель, азид төдийгүй дэлхийд нэр хүнд нь өссөөр байгаа дорнын шинэ өнгө төрх хэмээгдэж буй Лю Вэнь. Тэрээр 1988 оны 1 - сарын 27 нд төрсөн. Хятадын загвар өмсөгч. 2012 онд " New York Times" түүнийг "хятадын анхны супермодель" хэмээн бичиж байв. 2017 онд Америкийн "Vogue" сэтгүүлийн нүүрэнд гарсан нь мөн л анхдагч болсон. Анхны гэсэн олон тодотголын эзэн тэрээр одоо Нью - Йорк хотноо амьдарч байгаа аж. 

Түүний ээж нь өсвөр насны охин байхад нь анхны загварын тэмцээнд оруулж байжээ. Загвар өмсөгч болохоосоо өмнө аялал жуулчлалын хөтөч хийдэг байв. Түүний Карьер 2005 оноос эхэлсэн бөгөөд Хятадын Vogue болон Harper"s Bazaar зэрэг загварын сэтгүүлүүдтэй хамтран ажилласан байна. 2007 оноос Карл Лагерфельд, Виктор, Ролф зэрэг алдартай загвар зохион бүтээгчдийн загвар өмсөгчөөр ажилласан нь олон улсад танигдах эхлэл нь болсон юм. 2008 онд Парисын загварын долоо хоногт оролцов. 2009 онд Нью-Йорк, Лондон, Милан, Парис зэрэг хотуудад нийт 74 шоунд оролцсон байна.  Calvin Klein, Dolce & Gabbana, Roberto Cavalli, Oscar de la Renta, Hugo Boss, Alexander Wang, Rag & Bone, H&M, Marni, Lane Crawford, Bergdorf Goodman, Diesel, Gap зэрэг олон нэр хүндтэй брэндийн нүүр царайгаар ажиллаж, Герман, Итали, Америк, Хятад, Испани, Британи зэрэг улсын Vogue сэтгүүлийн нүүрэнд гарчээ. 2009 онд "Victoria"s Secret" -  тэй хамтран ажиллах болж, Хятадын төдийгүй азийн анхны супер модель болж байлаа. 2013 гэхэд дэлхийн хамгийн өндөр орлоготой загвар өмсөгч жагсаалтын 5 -рт бичигдэж, дэлхийн хамгийн шилдэг 50 модель жагсаалтанд түүнийг нэрлэв. Тиймээ тэр бол түүхэндээ хамгийн өндөр амжилт гаргасан ази загвар өмсөгч юм. 

Харин түүний хувийн амьдрал тун цэвэрхэн. Олон залуучуудтай нэр холбогдоод байдаггүй. Одоо ч түүний байр суурь хэвээрээ байгаа юм

Таалагдахгүй байна

1
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх