Шуурхай мэдээ New

etoim.mn
photos/578e18dd68720fe32303a8160d1806a3.jpg

 

Хүндийг өргөлтийн насанд хүрэгчдийн 2018 оны дэлхийн аварга шалгаруулах тэмцээн Туркменистан улсын Ашхабад хотод эдгээр өдрүүдэд болж байна. Тэмцээнд 80 орны 604 тамирчин өрсөлдөж байна. Энэ удаагийн ДАШТ-д Монгол Улсын хүндийн өргөлтийн холбооны ахлах дасгалжуулагч Ц.Хосбаяраар удирдуулсан зургаан эмэгтэй тамирчин оролцож байгаагаас Ч.Нямзул, Г.Ануужин нарын тэмцээн өндөрлөжээ. 49 кг-д өрсөлдсөн Ч.Нямзул огцом өргөлтөөр 63 кг-ыг өргөсөн ч түлхэлттэй өргөлтөө амжилтгүй гүйцэтгэсэн байна. Энэ жинд нийт 34 тамирчин өрсөлджээ. Мөн 64 кг-д өрсөлдсөн Г.Ануужин огцом өргөлтөөр 89 кг, түлхэлттэй өргөлтөөр 109 кг-ыг өргөж, нийлбэр дүнгээр 198 кг-ыг өргөн 34-р байрт орсон байна. Энэ жинд 48 тамирчин өрсөлдсөн байна. Энэ жил 20 настай Г.Ануужин Польшид болсон оюутны ДАШТ-ээс мөнгөн медаль хүртсэнээс гадна Тайландын эзэн хааны нэрэмжит Дэлхийн цомын аварга шалгаруулах тэмцээнд түрүүлсэн юм.

Таалагдахгүй байна

0
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх