etoim.mn
photos/40126111_1863506353718709_626377201519951872_n.jpg

Өнгөрсөн амралтын өдрүүдэд буюу наймдугаар сарын 25, 26-нд Солонгос улсад болсон 60 сая төгрөгийн шагналын сантай Ой тогтоолтын аварга шалгаруулах нээлттэй тэмцээн амжилттай болж өндөрлөлөө.

Тус тэмцээнд 9 орны нийт 200 орчим тамирчин ой тогтоолтын 10 төрлөөр бага, өсвөр, насанд хүрэгчдийн ангилалд 2 өдрийн турш оюуны өрсөлдөөнийг өрнүүлсэн юм.

Манай улсыг төлөөлж Монголын Оюун Ухааны Академийн 18 тамирчин ОУ-ын шүүгч, дасгалжуулагч Б.Баасандоржийн удирдлага дор амжилттай оролцон 25 алт, 28 мөнгө, 19 хүрэл медаль буюу нийт 90 медалиас 72 медалийг хүртэж үнэмлэхүй ялалтыг байгууллаа.

Мөн манай тамирчид бага, өсвөр, насанд хүрэгчдийн ангилалдаа дэлхийн 9 дээд амжилтыг шинэчлэн тогтоосноос гадна нийлбэр дүнгээр илүүрхэж нас насны ангилал тус бүртээ эхний гурван байрт орлоо.

Насанд хүрэгчид: 1-р байр: ОУ-ын Их Мастер Н.Мөнхшүр 7766 оноо 2-р байр: ОУ-ын Их Мастер Н.Энхшүр 6949 оноо 3-р байр: ОУ-ын Их Мастер Э.Пүрэвжав 6222 оноо Өсвөр нас: 1-р байр: ОУ-ын Их Мастер Э.Лхагвадулам 7382 оноо 2-р байр: Б.Лхагвадорж 5784 оноо 3-р байр: Г.Мянганбаяр 4927 оноо Бага нас: 1-р байр: О.Ганжигүүр 3147 оноо 2-р байр: Д.Мөнхтүшиг 2739 оноо 3-р байр: Б.Эрмүүнболд 2362 оноо Тус тэмцээний 10 төрлийн дараах нийлбэр оноогоор 2017 оны Дэлхийн аварга, Геннисийн рекорд эзэмшигч, Олон Улсын Их Мастер Н.Мөнхшүр (7766 оноо) тэргүүлж аваргын цом хүртлээ.

Монголын баг тамирчид АНУ, Швед, Хятад, Турк, Филиппин, Энэтхэг, Тайвань, Малайз, Англи, Сингапур, Солонгос гэх мэт олон арван улсад оюуны спортын 50 дахь тэмцээндээ амжилттай оролцож нийт 861 медаль хүртэн дэлхийн дээд амжилтуудыг шинэчлэн тогтоосоор байна.

Таалагдахгүй байна

59
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх

Зочин

[66.181.161.55]

2018-08-27 21:35:49

Зочин

[203.91.115.43]

2018-08-27 16:07:48

Нарантуяа

[66.181.161.103]

2018-08-27 15:59:46

Хурай хурай хурай монголын ирээдүй сайхан байна бүгд нь баяр хүргэе

MUNDAG

[122.201.25.154]

2018-08-27 14:31:00

MUNDAG (Y)