Шуурхай мэдээ New

etoim.mn
photos/0d36e02f-967f-4f4c-993d-f0b13ca532ea.jpg

Шинжлэх ухаан, технологийн үндэсний зөвлөлийн ээлжит хурал болсон байна. Хурлыг Боловсрол, соёл, шинжлэх ухаан, спортын сайд, Шинжлэх ухаан, технологийн үндэсний зөвлөлийн орлогч дарга Ц.Цогзолмаа удирдан явуулжээ. Хурлаар Шинжлэх ухаан, технологийн тухай болон Инновацийн тухай хуульд нэмэлт өөрчлөлт оруулах тухай хуулийн төслийн үзэл баримтлалын төсөл, Төрөөс инновацийн талаар баримтлах бодлогын төсөл, Төрийн өмчит эрдэм шинжилгээний байгууллагын судалгааны үндсэн чиглэлийг тогтоож, түүнийг хэрэгжүүлэхэд нь зориулан санхүүжилт олгох асуудлыг хэлэлцсэн байна. Түүнчлэн 2018 оноос эхлэн хэрэгжүүлэх шинжлэх ухаан, технологийн төслөөр шийдвэрлүүлэх асуудлыг хэлэлцээд, 14 хоногийн хугацаанд захиалагч яамдаас дахин санал авах замаар эцэслэн шийдвэрлэх нь зүйтэй гэж үзжээ. Шинжлэх ухаан, технологийн Үндэсний зөвлөлийн хурлаас тус салбарын хууль эрх зүйн орчинг боловсронгуй болгохтой холбогдсон дээрх асуудлуудыг дэмжсэн зөвлөмж гаргахаар тогтжээ.

Таалагдахгүй байна

0
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх