Шуурхай мэдээ New

etoim.mn
photos/YfWABpo32916041_2035530210045744_29534007603494912_n.jpg

Монгол Улсын Төрийн албаны зөвлөл Япон Улсын Газар, дэд бүтэц, зам тээвэр, аялал жуулчлалын яамтай хамтран “Төрийн захиргааны манлайлал” сэдвийн хүрээнд удирдах албан тушаалтнуудын сургалтыг өнөөдөр Төрийн ордонд зохион байгууллаа.

Монгол Улсын Төрийн албаны зөвлөлийн гишүүн Б.Баатарзориг сургалтыг нээж хэлсэн үгэндээ “Монгол, Япон улсын хооронд дипломат харилцаа тогтоосны 46 жилийн ой тохиож буй өдрүүдэд энэхүү сургалтыг зохион байгуулж байна. Манай хоёр орон олон салбарт хамтран ажиллаж байгаа бөгөөд Япон Улсын тусламжаар Хөшигийн хөндийд олон улсын нисэх онгоцны буудал баригдаж байна. Мөн буцалтгүй тусламж, төсөл хөтөлбөрийн хүрээнд ерөнхий боловсролын сургууль, цэцэрлэг гээд нийгэм, соёлын олон чухал барилга байгууламжуудыг Япон улс бидэнд барьж өгч байна. Олон улсын JICA, JDS зэрэг байгууллагын шугамаар болон Засгийн газрын тэтгэлгээр олон монголчууд сургалтад хамрагдаж байгаагийн дотор төрийн албан хаагчид ч цөөнгүй бий” хэмээн тэмдэглэв.

Тэрбээр Төрийн албаны тухай хуулийн шинэчилсэн найруулга батлагдаж, төрийн албанд шатлан дэвших, төрийн алба, алба хаагчид улс төрөөс хараат бус байх зэрэг зарчмын чухал өөрчлөлтүүд тусгагдсаныг онцлоод, Төрийн албаны зөвлөлөөс “Орчин үеийн төрийн захиргаа, удирдлага, манлайлал” сэдэвт сургалтыг яамдын Төрийн нарийн бичгийн дарга, агентлагийн дарга нар, яамдын удирдах албан тушаалтны түвшинд зохион байгуулсны зэрэгцээ Энэтхэгийн Төрийн албаны комисстой хамтран Төрийн нарийн бичгийн дарга нарын сургалтыг Энэтхэгт хэрэгжүүлсэн талаар мэдээллээ.

Энэ удаагийн сургалтыг Япон Улсын Мэйжигийн их сургуулийн доктор, RBA олон улсын байгууллагын тэргүүн Нобүхиро Күмэ, Япон улсын Газар, дэд бүтэц, зам тээвэр, аялал жуулчлалын яамны газрын дарга Тошиаки Андо, тус яамны хэлтсийн дарга Томояасү Шимакава нарын дэмжлэгтэйгээр зохион байгуулж байгаа юм.

Сургалтад Монгол Улсын Барилга хот байгуулалтын яам, Зам тээврийн яам болон бусад төрийн байгууллагуудын албан хаагчид оролцож байна.

Таалагдахгүй байна

0
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх