etoim.mn
photos/583bd515f9af64ddgreat.jpg

БНХАУ-ын Эрээн хотын боомтоор Монгол руу нэвтрэх гэж байсан манай улсын хоёр иргэнийг өчигдөр саатуулсан байна. Учир нь залуучууд хар тамхи, мансууруулах төрлийн бодис тээвэрлэж явсныг гаалийн ажилтнууд тогтоожээ. Залуучуудыг Эрээн хотын цагдаагийн газраас баривчлан авч явсан байна. Монгол иргэдээс хар тамхи, мансууруулах төрлийн бодис илэрсэнтэй холбоотойгоор Эрээний хилээр Монгол руу зорчих иргэдийн хяналт шалгалтыг чангатгажээ. Иргэн Б-ийн мэдэгдсэнээр “Хилээр шалган нэвтрүүлэх ажил удааширч, дараалал үүссэн. Энэ нь манай улсын хоёр иргэнээс мансууруулах төрлийн бодис илэрсэнтэй холбоотойгоор хатуу шалгалт хийж байгаа юм байна” гэлээ. Энэ асуудлаар Гадаад харилцааны яамны харьяа Консулын газрын дэд захирал Л.Мөнхтүшигээс тодруулахад “Энэ амралтын өдрүүдэд ийм мэдээлэл албан ёсоор ирээгүй. Монгол иргэд янз бүрийн байдлаар хилийн чанадад саатуулагдсан, баривчлагдсан тохиолдолд бүх албан ёсны мэдээллийг тухайн улсын цагдаагийн байгууллагаас тэр хотод суугаа манай Элчин сайдын яам, Консуулын газарт мэдэгдэх үүрэгтэй байдаг. Мэдэгдсэн дариуд нь манайд мэдээлэл ирүүлдэг. Амралтын өдөр таараад мэдээлэл ирүүлж амжаагүй байж магадгүй. Одоогоор ийм мэдээлэл ирээгүй байна” гэлээ.  Дээрх хэргийн талаар манай талд ямар нэгэн мэдээлэл ирээгүй байна. Эх сурвалж: Zindaa.mn

Таалагдахгүй байна

0
0

АНХААРУУЛГА

Уншигчдын бичсэн сэтгэгдэлд etoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1.0

Сэтгэгдэл үлдээх